ਸ਼ੁਕਰਾਨਾ...........

ਪਹਿਲਾ ਸ਼ੁਕਰ ਮੇਰੇ ਸਤਿਗੁਰ ਦਾ
ਜਿੰਨ੍ਹਾਂ ਮਾਤਲੋਕ ਦਿਖਾਇਆ
ਮੁੱਕੀ ਜਦੋਂ ਚੁਰਾਸੀ
ਮੈਨੂੰ ਸਿੱਖਾਂ ਦੇ ਘਰ ਪਾਇਆ

ਦੂਜਾ ਸ਼ੁਕਰ ਮੇਰੇ ਮਾਪਿਆਂ ਦਾ
ਜਿੰਨ੍ਹਾਂ ਘੁੱਟ ਸੀਨੇ ਨਾਲ ਲਾਇਆ
ਆਪ ਗਰੀਬੇ ਦਾਅਵੇ ਰਹਿਕੇ
ਮੈਨੂੰ ਚੰਗੇ ਸਕੂਲ 'ਚ ਪਾਇਆ

ਤੀਜਾ ਸ਼ੁਕਰ ਮੇਰੇ ਯਾਰਾਂ ਦਾ
ਜਿੰਨ੍ਹਾਂ ਖੇਡਣਾ ਮੈਨੂੰ ਸਿਖਾਇਆ
ਗੁੱਲੀ ਡੰਡਾ , ਲੁਕਣ ਮਚੀਚੀ
ਖੇਡਕੇ ਮਨ ਪਰਚਾਇਆ

ਚੌਥਾ ਸ਼ੁਕਰ ਮੇਰੀ ਜਿਉਣ ਜੋਗੀ ਦਾ
ਜਿਹਨੇ ਇਸ਼ਕ ਦਾ ਪਾਠ ਪੜ੍ਹਾਇਆ
ਜਾਤ ਪਾਤ ਵਿੱਚ ਬਾਜ਼ੀ ਹਾਰੀ
ਤੇ ਮੈਨੂੰ ਲੇਖਾਂ ਬਹੁਤ ਰਵਾਇਆ
ਵਿੱਚ ਪਰਦੇਸ ਦੇ ਚਲੀ ਗਈ
ਤਾਂ ਮੌਲਾ ਚੇਤੇ ਆਇਆ

ਸੁਪਨੇ ਵਿੱਚ ਫਕੀਰ ਸਾਂਈ ਦਾ
ਗਲੀ ਮੇਰੀ ਵਿੱਚ ਆਇਆ
ਵੇਖਕੇ ਮੇਰਾ ਮੱਥਾ ਉਹਨੇ
ਸਾਰਾ ਹਾਲ ਸੁਣਾਇਆ

ਬਾਬਾ ਕਹਿੰਦਾ ਸੁਣ ਉ ਕਾਕਾ
ਜੋ ਕਰੀਏ ਸੋ ਭਰੀਏ
ਇਸ਼ਕ ਮਜਾਜੀ ਹਰ ਕੋਈ ਕਰਦਾ
ਇਸ਼ਕ ਹਕੀਕੀ ਕਰੀਏ

ਮੈਂ ਆਖਿਆ ਸੁਣੋ ਬਾਬਾ ਜੀ
ਪਿਛਲੇ ਜਨਮ 'ਚ ਮਾੜਾ ਕੀਤਾ
ਇਸ ਜਨਮ ਵਿੱਚ ਭਰਿਆ
ਪਿਛਲੇ ਜਨਮ ਦਾ ਇਸ ਜਨਮ ਵਿੱਚ
ਹਿਸਾਬ ਬਰਾਬਰ ਕਰਿਆ

ਇੱਕ ਦਿਨ ਮੇਰੇ ਮੁਰਸ਼ਦ ਨੇ
ਫਿਰ ਐਸਾ ਸਮਾ ਬਣਾਇਆ
ਸੁਣੀ ਅਰਦਾਸ ਨਿਮਾਣੇ ਦੀ
ਮੈਨੂੰ ਯਾਰ ਦੇ ਕੋਲ ਬਿਠਾਇਆ
ਪੂਰੀ ਹੋਈ ਕਰਾਮਾਤ
ਜਦੋਂ ਯਾਰ 'ਚ ਧਿਆਨ ਲਗਾਇਆ

ਬਹੁਤੀ ਦੁਨੀਆ ਰੱਬ ਰੱਬ ਕਰਦੀ
ਥਾਂ ਥਾਂ ਲੱਭਦੀ ਫਿਰਦੀ ਹੈ
ਸ਼ੁਕਰ ਅਖੀਰ 'ਚ ਮੁਰਸ਼ਦ ਦਾ
ਜਿਹਨੇ ਯਾਰ 'ਚੋ ਰੱਬ ਵਿਖਾਇਆ


"ਪਰਮਿੰਦਰ ਸਿੰਘ" "ਪਰਮ-ਨਿਮਾਣਾ"